„Ziff Davis“, единицата за дигитални медиуми на „J2 Global“, се приближува до договорот со медиумот на „Mashable“, пишува „Bloomberg“, осврнувајќи се на извори запознаени со ова прашање.
Договорот со „Ziff Davis“ ќе му понуди на „Mashable“ финансиска перспектива да ги продолжи своите напори во областа на видеото – поскапиот начин отколку пишувањето кон што се насочува компанијата. Компанијата основана од Пит Кешмор во 2005-та година во август потврди дека барала купувач. Тогаш не беше јасно под кои услови. „J2“ одби да коментира, и „Mashable“ не одговори веднаш на барањето за коментар.
„Mashable“ – една од многуте понови онлајн медиумски компании, остана без пари и бараше финансирање.
Надежите за создавање на победнички дигитални гиганти ги направија пореални очекувањата за продажба на компанијата во поголема компанија. Матичната компанија „CNN“ – „Time Warner“, е еден од главните инвеститори на „Mashable“. Таа предводеше финансирање од 15 милиони долари во март 2016-та година. Издавачот прави видеа за компании како „Facebook“ и „Bravo“.
Пред пет години имаше шпекулации дека „CNN“ е заинтересирана за медиумот и технолошкиот блог. Тогаш шпекулираше за цена од нешто повеќе од 200 милиони долари.
„Ziff Davis“, со седиште во Њујорк, е 90-годишна компанија позната по одразот на порастот на технолошката индустрија со медиуми како „PC Magazine“. Кога приходите од печатените реклами почнаа да се намалуваат, компанијата се проширила на интернет со веб-сајтови како „AskMen.com“, „Geek.com“ и блогот „ExtremeTech“.
Вивек Шах, кој ја предводеше дивизијата во „Ziff Davis“, беше избран за извршен директор на „J2 Global“ во септември. Тој започна да го проширува онлајн-медиумскиот бизнис. „Ziff Davis“ неуспешно се обиде да го купи „Gawker Media“ во август 2016-та година.
„Mashable“ е основана во јули 2005-та година од Пит Кешмур во Абердин, Шкотска. Повеќе од 20 автори пишуваат материјали за интернет страната, која има повеќе од 50 милиони посети месечно. Самиот Кашмор има околу 68.000 следбеници на „Twitter“.
Самиот сајт има над 6,4 милиони следбеници во социјалниот медиуми „Facebook“, а на „Twitter“ се 9,5 милиони луѓе.
