Цел еден автомобилски бренд води потекло од легендарниот воен теренец „Willys“, кој се прослави во Втората светска војна. Современиот наследник на „Willys“ – „Jeep Wrangler“, со својот дизајн симболично го чува сеќавњето на оваа воена машина.
Најновата генерација на моделот „Jeep Wrangler“ ќе има премиера на претстојниот саем за автомобили во Лос Анџелес, кон крајот на овој месец.
Иако како модел „Wrangler“ официјално постои дури од 1987-ма, неговите корени потекуваат дури од Втората светска војна. На конкурсот за лесно теренско возило кој го распиша американската војска во 1941-ва победи „Willys MB“.
Репутацијата на практичен и сигурен теренец, едноставен за транспорт и одржување, ја зацврсти на боиштата од Втората светска војна. Ваквите карактеристики допринесоа со завршување на воените дејствија воедно да не биде и крај за „Willys“.
Првата цивилна верзија – „Willys CJ2A“, претставена веќе во 1945-та, a производителот истата година официјално ја заштити ознаката „Jeep“, под која во наредните децении се изработуваа и продаваа не само директни наследници на моделот „Willys MB“, туку и многу други современи теренски автомобили, како фамилијата на модели „Cherokee“/„Grand Cherokee“.
Анимираното видео кое го направи тимот „Donut Media“ прикажува скоро осум децении на еволуција и трансформации на воената машина во цивилен „Jeep Wrangler“ каков што е овој теренец денеска.
Видео клипот завршува со најавениот пик-ап модел „Jeep Scrambler“, кој треба да се појави во продажба во 2018-та, заедно со новата генерација на „Wrangler“.
