Американската компанија „Chevrolet“ на саемот во Дубаи официјално го претстави новото екстремно купе „Corvette ZR1“, „Model Year 2019“. Автомобилот доби мотор со 755 КС и ќе се појави на пазарот во ограничена серија.
„Кралот се враќа, а тој е посилен од кога било досега“, изјави раководството на американскиот бренд на презентацијата на автомобилот. И за тоа има дефинитивно причини. Новиот „Chevrolet Corvette ZR1“ се потпира на модифицираниот 6.2-литарски LT5 V8 мотор. Неговата моќност е 755 КС, а максималниот вртежен момент е 969 Nm.
Од „Chevrolet“ велат дека ова е постигнато благодарение на системот со двојно вбризгување на гориво, специјално развиен за овој автомобил. Моторот може да се комбинира со 7-брзински мануелен менувач со активен синхронизатор и 8-степен автоматски менувач.
Новиот „Corvette ZR1“ ќе може да развие максимална брзина од преку 330 километри на час (337 km/h). Други детали не се објавени, но јасно е дека телото ќе биде достапно со два дополнителни пакети со „Low Wing“ и „ZTK Performance Package“ (High Wing).
Првиот е стандарден – „Low Wing“, дозволувајќи му на автомобилот да генерира 70% поголема сила на притисок од основниот „Z06“. За возврат, „ZTK“ пакетот за изведбата обезбедува уште 430 килограми сила на притисок (плус 60%) наспроти „Low Wing“. Исто така вклучува и реконструиран систем „Magnetic Ride Control“, гумите „Michelin Pilot Sport Cup 2“ и посебните поставувања на шасијата.
За екстремното купе, се обезбедуваат опции како „Nappa“ кожа, волан со јаглеродни влакна, модерен „Bose“ и регистратор „Performance Data Recorder“. Продажбата започнува во пролетта 2018-та година, но се уште не позната бројката на примероци кои ќе бидат произведени, како и цената по која ќе се продаваат.
