Некои од најголемите американски компании – вклучувајќи ги „Apple“ и „Procter & Gamble“ – веќе нема да можат да го избегнуваат плаќањето на даноци од илјадници милијарди долари од меѓународен профит, според новиот даночен закон, поднесен од републиканците во Сенатот, коментира „Bloomberg“.
Добиените пари ќе бидат оданочени на 12%. Оваа стапка е „на границата да биде непријатна за бизнисот“, вели Стивен Ингладер, шеф за истражување и стратегија на „Rafiki Capital Management“. „Ова фундаментално не ги менува правилата на игра, но промената на тонот се разочарува. Работите се префрлија од развојот на даночниот систем на даночните обврзници “, додаде тој.
Американските компании имаат акумулирано околу 3.100 милијарди долари надвор од земјата, според „Goldman Sachs“. Според сегашните закони САД ја оданочува глобалната добивка на мултинационалните компании, но им дозволуваат да ги одложат даноците додека не ја вратат – или „репатрираат“, добивката назад во САД. Сепак, ова не е задолжително.
Најголемата сума, акумулирана надвор од земјата, е на „Apple“ – речиси 250 милијарди долари. Потоа следува „Microsoft“ со 130 милијарди долари и „Cisco Systems“ со речиси 70 милијарди долари, според „Bloomberg“. Ако законот биде усвоен, тоа ќе доведе до собирање на даноци од 223 милијарди долари во следната деценија, покажува проценката на „Joint Committee on Taxation“, цитирана во законот.
Денешниот график ги покажува компании со најголем дел од профитот што се одржува надвор од САД. Круговите укажуваат на големината на вкупниот кеш и продажбата на хартии од вредност во милијарди долари, зелената боја е индикатор за проценти профит надвор од земјата, а црната – проценти добивка во САД.
