ТЕТЕКС АД за периодот јануари-септември 2017година оствари добивка во износ од 48.101 илјади ден. искажана во неревидираниот Биланс на успех.
Оперативните приходи изнесуваат 202.186 илјади.
Приходите од продажба до 30.09.2017год. изнесуваат 147.616 илјади.
Истите се состојат од:
– продажба на производи и стоки на домашен пазар 76.647 илјади
-продажба на производи и стоки на странски пазар 70.969 илјади
Структурата на приходите остварени на домашен пазар е следна:
приходи од продажба на производи и стоки во износ од 43.130 илјади, приходи од закупнини 26.716 илјади и приходи од други услуги 6.801 илјади.
Тетекс АД покрај основната дејност-производство на текстилни производи, во последниве години се ориентира кон издавање на слободни простори под закуп на други правни лица, дејност која значително учествува во вкупните приходи на компанијата; што може да се види од наведените показатели.
Останатите оперативни приходи во кои се вклучени приходите од продажба на недвижен имот изнесуваат 25.782 илјади
Ооперативните расходи изнесуваат 185.130 илјади , а истиот период 2016 година изнесуваа 225.981 илјади.
Оперативната добивка изнесува 10.603 илјади.
Во Финансиските приходи се вклучени приходите од дивиденда кои ТЕТЕКС АД ги оствари во правните лица: ПЕТРОЛГАС ДОО во износ од 4.340 илјади и ТТК Банка во износ од 32.486 илјади.
ТЕТЕКС АД во постоечките услови на работење перманентно ги испитува трошоците на работење и настојува да го подобри квалитетот на продукцијата како би ги задоволил очекувањата на купувачите, акционерите, вработените и добавувачите.
