На седницата на Надзорниот одбор на Банката одржана на 27.10.2017 година, долгогодишниот член на Управниот одбор г-дин Љубе Рајевски, поднесе писмено барање за откажување на менаџерскиот договор исклучително од лични, а не професионални причини.
Рајевски е повеќе од 31 година во банката, и беше во тимот од самиот почетокот на формирање на истата. Во периодот на неговото работење во банката ги помина речиси сите позиции, а вредно е да се напомене фактот дека две години беше на позиција Заменик на Генералниот директор, и 17 години Член на Управниот одбор.
Во банката важеше за еден од најреспектираните луѓе, полн со енергија, елан и ентузијазам и е еден од главните виновници за тоа што е денес НЛБ Банка една од најдобрите банки во Македонија.