Канадската компанија „D-Wave Systems“ која прва објави дека нуди комерцијален квантен компјутер, вчера соопштија дека го продале својот втор таков компјутер „D-Wave Two system“ кој е вреден 10 милиони долари.
Договорот е склучен помеѓу Универзитетското здружение за вселенски истражувања (USRA) и „D-Wave Systems“. Американската компанија „Google“ и вселенската агенција „NASA“ ќе работат заедно на употребата на квантниот компјутер.
Според инфромациите системот „D-Wave“ не е обичен компјутер за секојдневна употреба. Тој е предвиден да решава одредени видови на проблеми и за тоа да користи квантни ефекти.
„D-Wave“ ќе се користи за низ апликации, но фокусот ќе му биде на унапредени алгоритми кои се користат за подобрување на процесот на учење на машините и вештачката интелегенција. Исто така ќе испитува дали системот може да ја оптимизира потрагата за планети надвор од сончевиот систем.
