Кога во медиумите ќе се појави веста за продажба на возила кои припаѓаат на историјата на Ферари, секогаш веднаш помислуваме на некој класичен автомобил кој потекнува од фабриката во Маранело. Но овој пат станува збор на друг вид на превозно средство.
Во понудата на специјализиранта страна „Memento Exclusives“ која се занимава со продажба на сувенири и разни други предмети на фановите на Формула 1, се најде еден екслузивитет. Станува збор за камион кој Ф1 тимот на Ферари го користел за транспорт на автомобилите од 1969-та година до 1980-та година.
Иако камионот не е во совршена состојба, возилото секако би усреќил некој богат фан на Ферари кој би сакал да го има во својата колекција.
Камионот на Ферари моментално се наоѓа во Јапонија, а неговата цена се уште не е позната.
Автомобилот кој се наоѓа на фотографијата на камионот не е вклучен во цената, но транспортните трошоци од Јапонија до локацијата на купувачот се вклучени.
