„Heineken“, втората по големина пивара во светот, објави зголемување на продажбата на пиво во третиот квартал со раст во сите региони освен во Европа, каде ладно лето влијаеше на потрошувачката, соопштува „Ројтерс“.
Продажбата за периодот јули-септември се зголеми за 2,5% до 60,0 милиони хектолитри, што е малку над просечните очекувања за 57,9 милиони хектолитри во анкетата на „Ројтерс“.
Данската пивара, најголема во Европа, изјави дека многу силниот раст во азиско-пацифичкиот регион, без да ја вклучува Кина, довел до зголемување од 12,2% во обемот на пиво. Во исто време силно претставување во Јужна Африка, Етиопија и Русија доведе до раст од 8,8% на продажбата во Африка, Блискиот Исток и Источна Европа.
Растот на американските континенти бил умерен, бидејќи послабата продажба во САД делумно го засени растот во Мексико и Бразил, каде „Heineken“ го купи бизнисот на „Kirin“ претходно во оваа година.
Во Европа продажбата падна поради поладното време во Франција и Холандија, како и поради слабите резултати во Велика Британија и Полска.
Компанијата изјави дека ги задржува годишни очекувања дека приходите и профитот ќе се зголемат, а оперативната маргина ќе се зголеми за околу 40 базични поени, без да се вклучуваат придобивките во оваа година.
„Heineken“ предвидува понегативно влијание врз валутата отколку во 2016-та година.
Компанијата забележа нето добивка од 1,49 милијарди евра за првите девет месеци, што е за 1% повеќе на годишна основа.
