Владата на вчерашната седница донесе одлука да се подготви предлог за краткорочни и долгорочни излезни решенија за состојбата во фабриката за шински возила „Колска“ во Велес и за исплата на заостанатите плати на вработените во ова друштво, во кое удел има и Владата на РМ.
Исто така, разгледана е и усвоена и информацијата за изградба на пречистителна станица за отпадни води за градот Скопје за која, покрај средства од буџетот, предвидена е и поддршка од ЕУ преку билатерален договор со Делегацијата на ЕУ во Скопје за финансирање на овој проект во рамките на ИПА-програмата.
