Само пред неколку дена американската влада забележа рекорден јавен долг од 20 илјади милијарди долари. Износот е поголем од економијата на сите земји во Европската унија, коментираше „HowMuch.net“. Долгот ќе расте понатаму освен ако претседателот Доналд Трамп и Конгресот не се согласат со заштеда без преседан заедно со зголемување на даноците. Но, тоа нема да се случи наскоро.
Повеќето луѓе мислат дека неверојатниот долг од над 20 илјади милијарди долари е несовладлив, и до денес тој е најголем во светот. Но, кога ќе погледнете друг фискален показател, односот долг-БДП, САД не е во најлоша ситуација.
Денешниот график ни овозможува брзо да видиме како долгот на САД се споредува со оној на други земји ширум светот. Големината на земјата одговара на износот на долгот. САД и Јапонија се истакнуваат бидејќи имаат највисоки долгови во светот (20,17 илјади милијарди и 11,59 илијарди милијарди долари). Другите земји, како што се Германија и Бразил, се чини дека се многу помали, бидејќи нивните долгови се релативно ниски (2.45 илјади милијарди долари и 1.45 илјади милијарди долари). Бојата на секоја земја одговара на односот долг-БДП. Зелените земји имаат здрава маргина, но темно-црвените земји имаат обврски поголеми од целите на економиите.
Стапката на долг кон БДП е критична мерка за проценка на фискалното здравје на земјата. Постои логика зошто долгот на американската влада е поголем од оној на многу помала земја, на пример Германија. Да го земеме овој пример: богатството на Бил Гејтс е 86 милијарди долари, па затоа може да си дозволи кредитна картичка со повисок лимит. Затоа е важно да се земе предвид БДП-то на секоја земја – бројка што претставува збир на сите трансакции во економијата. Кога го гледаме јавниот долг како процент од БДП-то, добиваме еднакво ниво за земји од различен економски размери. И со овој индикатор, САД не е меѓу 10-те задолжени земји во светот.
Топ 10 земји со највисок сооднос долг-БДП се:
- Јапонија (245% со долг од 11,59 илјади милијарди долари)
- Грција (173% со долг од 339 милијарди долари)
- Италија (138% со долг од 2.56 илјади милијарди долари)
- Португалија (133% со долг од 274 милијарди долари)
- Белгија (111% со долг од 524 милијарди долари)
- Шпанија (106% со долг од 106 милијарди долари)
- Канада (106% со долг од 1,62 илјади милијарди долари)
- Ирска (105% со долг од 324 милијарди долари)
- Франција (98% со долг од 2,44 илјади милијарди долари)
- Бразил (82% со долг од 1,45 илјади милијарди долари)
Постои уште една причина зошто долгот од 20 илјади милијарди долари не е таков проблем, пишува весникот. САД имаат огромен долг и во реални услови и како процент од БДП-то, но луѓето ширум светот не се двоумат да позајмуваат пари со екстремно ниски каматни стапки. Причината е дека тие сè уште се сметаат за неверојатно безбедна инвестиција.
Весникот пишува дека долгот од 20 илјади милијарди долари е убава работа, но на крајот САД се во добра форма, особено во споредба со другите економии во развој во светот.
