Најновиот „World Tourism Barometer“ на Светската организација за туризам при ООН ги открива најпопуларните светски дестинации во светот за првите четири месеци од годината.
Од јануари до крајот на април оваа година, туризмот продолжува да се претставува добро, со вкупно 369 милиони посетители кои ноќеваат, што е 21 милион повеќе од истиот период во 2016-та година, коментира „Statista“.
Некои земји кои имаат потешкотии во случаи на насилство и политички немири успеаја да ги свртат работите и да привлечат се повеќе и повеќе туристи.
Податоците покажуваат дека палестинските територии ја имаат најбрзата стапка на раст во туризмот при што привлекле 400.000 посетители во првите четири месеци од 2016-та година. Нивниот број се зголеми за извонредни 57,8% во првите четири месеци од 2017-та година.
Египет успеа да ги зголеми своите посетители за 51% и покрај неколкугодишните превирања.
Поради целата бучава околу Исланд како извонредна туристичка дестинација, бројот на посетители кои ноќеваат таму исто така се зголемува. Иако првите четири месеци од годината се особено мрачни во земјата, Исланд успеа да оствари рекордна стапка на раст од 34,9%.
