Авиокомпанијата која прогласи банкрот, „Air Berlin“ ги запира уште летовите на долго растојание, овој пат од Дизелдорф до Карибите, за да ги намали своите авиони за далечните дестинации и да го скрати трошоците додека бара инвеститори, соопшти превозникот, цитиран од „Ројтерс“ и медиумите.
Летањата до места како што се Мексико, Куба, Доминиканската Република и Антили нема да се извршуваат од 25-ти септември, соопшти авиокомпанијата.
„Air Berlin“, вториот по големина германски авиопревозник, беше принуден да прогласи банкрот во текот на минатиот месец, бидејќи неговиот главен акционер „Etihad“ од Обединетите Арапски Емирати го престана финансирањето по неколку години на загуба. Авионите се уште летаат благодарение од заемот од владата од 150 милиони евра (180 милиони долари), кој ќе трае најдоцна до средината на ноември.
Сега инвеститорите застануваат во ред за „Air Berlin“, а најголемата германска авиокомпанија на „Lufthansa“ тргнува напред.
Германскиот инвеститор во авиосообраќајот Ханс Рудолф Ворл вчера објави дека се пријавил за учество на тендерот за авиокомпанијата.
„Air Berlin“ денес потврди дека добил писмо од Ворл и го разгледува.
Понудувачите за средствата за авиокомпанијата треба да ги предадат своите понуди до 15-ти септември, а одлуката се очекува веќе на 21-ви септември – три дена пред германските парламентарни избори.
