Главниот извршен директор на „Novartis“ Џозеф Хименез ќе ја напушти функцијата во почетокот на идната година и ќе биде заменет од страна на д-р Васант Нарасиман, соопшти денеска швајцарската фармацевтска компанија, цитирана од „Associated Press“.
Нарасиман, кој во моментов е главен медицински директор и глобален директор за развој на лекови, ќе стапи на должност на 1-ви февруари, посочуваат агенциите.
Хименез, шефот на „Novartis“ од 2010-та година, рече дека е време да се повлече од функцијата и дека неговото семејство е „подготвено да се врати во Силиконската долина и во САД“.
Нарасиман се приклучи на „Novartis“ во 2005-та година и раководеше со различни лидерски позиции во компанијата.
Во денешното соопштение „Novartis“ прецизира дека Хименез ќе остане „на располагање за совети и поддршка“ до официјалното повлекување.