Германската авиокомпанија на „Thomas Cook“, „Condor“, има интерес за неколку авиони на „Air Berlin“, објави „Ројтерс“.
Авиокомпанија е „во процесот на подготовка на конкретна понуда“, вели изворот, додавајќи дека „Condor“ се интересира главно од авиони за кратки патеки, но и од неколку за подолги.
„Air Berlin“, втората најголема германска авиокомпанија, објави банкрот минатата недела откако нејзиниот главен акционер „Etihad“ го повлече финансирањето.
Веќе започна трка помеѓу неколку заинтересирани страни кон делови од бизнисот, вклучувајќи авиони и екипажот што би го проширил пристапот до слотови за полетување и слетување на аеродромите во Дизелдорф, Берлин Тегел, Минхен и Хамбург. Меѓу конкурентите се „Ryanair“, „easyJet“ и „Eurowings“ од „Lufthansa“.
Германската компанија „Lufthansa“, која прва почна преговори со „Air Berlin“, во средата изјави дека се обезбедени првичните аранжмани за својот конкурент, со која се изразува интерес кон делови од групата.
Авионите на „Air Berlin“ сé уште летаат поради заем од 150 милиони евра. Кога ќе заврши тоа и „Air Berlin“ ќе се приземји на земјата, сепак, ослободените слотови на аеродромите ќе бидат распределени меѓу авиолиниите, процес кој според експерти во индустријата ќе ги фаворизира „Ryanair“ и „easyJet“.
