Американската компанија за истражување „J.D.Power“ ја објави листата на автомобили според задоволството кое му го нудат на сопственикот во текот на првите 90 дена по купувањето.
Одликувани се вкупно 25 модели во различни класи, а автомобилите се вреднуваат по 77 различни критериуми. Меѓу нив се екстериер, ентериер, внатрешен простор и можност за превоз на багаж, работата на аудио-системот, на климатизацијата и вентилацијата, динамиката на возилото, работа на агрегатот, прегледот на патот, заштедата на гориво и друго.
Кај марките на прво место веќе 13-та година по ред се подредува „Porsche“, овој пат со резултат со 884 поени (од максимум 1000), следен од „Genesis“ (луксузниот бренд на „Hyundai“) со 869, „BMW“ – 855, „Audi“ – 854 и „Mercedes- Benz“ – 851.
Со најмногу први места во одделни класи е Концернот „Volkswagen“, а наградените се „Audi A3“, „A4“ и „A7“, а исто така и „Porsche 911“, „Cayenne“ и „Macan“. Со 4 „злата“ се закити Концернот „BMW“ – „BMW Series 2“ и „X1“, како и „MINI Clubman“ и „Cooper“.
Кај американските производители 3 први места земаат „Ford“ со „Ford F-150“, „Ford Super Duty“ и „Lincoln Continental“, и „General Motors“ со „Cadillac Escalade“, „Chevrolet Bolt“ и „Chevrolet Tahoe“. Наградени се и 3 модели на „KIA“- „Soul“, „Niro“ и „Cadenza“.
По 2 победи забележаа „Honda“ со моделите „CR-V“ и „Ridgeline“, „Nissan“ со „Altima“ и „Murano“, како и „Fiat-Chrysler“ со „Dodge Challenger“ и „Chrysler Pacifica“.
