Алијансата „Renault-Nissan“ за првите 6 месеци од 2017-та продала точно 5.268.079 нови автомобили, што е за 7% повеќе од истиот период од минатата година. Тоа го соопштија од прес-службата на концернот, со што го надминуваат својот главен ривал „Volkswagen Group“. Резултатот, објавен од Германците само пред неколку дена, е 5.115.900 продажби.
Зголемувањето на показателите на „Renault-Nissan“ се должи делумно на додавањето на продажбата на „Mitsubishi Motors“, кој стана сопственост на Алијансата кон крајот на минатата година. Генерално позитивната динамика за првите 6 месеци се запишува на моделите „Renault Clio“, „Renault/Dacia Sandero“, „Renault Captur“, „Renault/Dacia Duster“, „Nissan X-Trail“, „Nissan Sentra“, „Nissan Qashqai“ и „Nissan Teana“. Исто така одлично се претставија „Mitsubishi Outlander“ и „Pajero Sport“, кои се лидери во своите сегменти.
Раст во продажбата бележат и електричните возила на групацијата, а за полугодието од нив се продадени 481.151 примероци. Овој резултат се должи најмногу на „Renault Zoe“ и „Nissan Leaf“, на „Mitsubishi I-Miev“, како и на хибридниот „Mitsubishi Outlander“.
Што се однесува до корпорацијата „Renault Group“, во чиј состав влегуваат компаниите „Dacia“, „Renault Sport“ и „Renault F1“, нејзините брендови за 6 месеци се оствари продажба на 1.879.288 возила, што е за 10,4% повеќе од минатата година.
Компанијата „Nissan Motor Company“ за возврат има продадено 2.894.488 нови автомобили, а растот кај неа е 5,6%. На јапонскиот пазар резултатот е со цели 22,9% повисок, а во Европа со 5,7%. Одлично се справи и луксузната марка „Infiniti“ – 125.000 продадени единици, што е зголемување за 13%.
За возврат „Mitsubishi Motors“ за 6 месеци оствари продажба од 494.303 автомобили, што е за 2,4% повеќе. Ова се должи на рестартирањето на производството на „кеј-кар“ моделите за Јапонија, како и на почетокот на производството и продажбата на „Outlander“ во Кина.
