Новиот извршен директор на „Piraeus Bank“ се обидува да го израмни загубеното време. Христос Мегалу треба да се ослободи од лоши заеми за 4 милијарди евра до крајот на годината според планот за реструктуирање, договорен со надзорниот оддел на Европската централна банка (ЕЦБ) уште пред да преземе најголемиот грчкиот кредитор, раскажува „Bloomberg“.
„Има решение на ова управување да се забрза спроведувањето на планот за реструктуирање, за да може што е можно побрзо да се отплати назад државната помош“, вели Мегалу во интервју од седиштето на банката во Атина. „Piraeus“ доби државно финансирање за 2,72 милијарди евра од ноември 2015-та година, а спасувачкиот фонд на Грција поседува над една четвртина од доверителот.
Мегалу се вклучува подоцна во реструктуирањето, приклучувајќи се кон банката од „Eurobank Ergasias“ дури во март, што го прави трет извршен директор за помалку од две години. Двајцата негови претходници се повлекоа по расправијата со „Paulson & Co.“ – еден од главните акционери на банката.
Акциите на „Piraeus“ поскапеле за 45% откако Мегалу ја презеде функцијата, што и дава на компанијата пазарна капитализација од околу 2,3 милијарди евра.
Во својот последен извештај за монетарната политика на централната банка на Грција ги идентификуваше лошите долгови како најголема пречка пред грчкиот банкарски систем и пошироката економија. Изложеноста кон надзорните заеми е од 104,8 милијарди евра кон крајот на 2016-та година, што претставува околу половина од сите кредити во билансот на банката, покажуваат податоците на Грчката централна банка.
Тоа сепак е подобрување во однос на 2015-та година, кога имаше сериозно протекување на депозитите поради загриженоста дека Грција може да излезе од еврозоната. Истекот беше суспендиран откако банките беа затворени за три недели, беа наметнати ограничувања на повлекување и испраќање на средства надвор од земјата, а Грција договори спасувачки заем за 86 милијарди евра – третиот од 2010-та година.
„Piraeus“ e „на пат“ да ги намали надзорните заеми – чие достасување е истече пред над 90 дена – до 19,1 милијарди евра до крајот на годината од 23 милијарди евра кон крајот на март, вели Мегалу. Договорот со единствениот механизам за надзор вклучува и обврска да ја намали изложеноста кон надзорните заеми со 2 милијарди евра до 31,3 милијарди евра до крајот на годината. Ова вклучува и реструктурирани кредити, кои најверојатно ќе се покажат лоши.
„Piraeus“ веќе го намали малку долгот, продавајќи ги проблематичните заеми за речиси половина милијарда евра во Србија, Романија и Бугарија во последните 18 месеци. Таа привлекла и 3 милиони евра од продажбата на 29 имоти во онлајн аукција.
Новиот закон кој им овозможува на банките да работат директно со должниците за реструктуирање на нивниот долг, би требало дополнително да се олесни времето, вели Мегалу. Досега кредиторите требаше да ги праќаат должниците, задоцнети со придонеси, на суд.
Новото управување создало одделна единица која ќе располага со повторното влегување во сопственост и продажбата на несакани средства. Банката се обидува да ја продаде филијалата на Балканот и деловите во „Hellenic Seaways“ и две грчки фарми за риба – „Selonda“ и „Nireus“.
„Нашата главна цел е да ја намалиме изложеноста кон банкарски имот во Грција и кон меѓународните банкарски подружници во Србија, Романија и Бугарија“, вели главниот извршен директор. „Ако постигнеме без удар врз капиталот, тоа ќе има позитивно влијание врз билансот рамнотежата“.
