„E-Pace“, новиот компактен кросовер на „Jaguar“, беше презентиран во Лондон со спектакуларна каскада во стилот на Џејмс Бонд. Автомобилот скокна од посебна рамка и направи 270-степен околу својата оска. Вкупно автомобилот прелета 15.3 метри, што е нов рекорд на Гинис.
Каскадерот Тери Грант, кој го направи овој потег, во еден момент почувствувал оптоварување од 5.5g за време на скокот. Ова е и прв случај во историјата, во кој познатиот скок од филмовите за Бонд се извршува од сериски произведен автомобил.
„Е-Pace“ е помалиот роднина на многу успешниот „F-Pace“. Со должина од 4.4 метри, тој се натпреварува со модели како „Audi Q3“, и според шефот на „Jaguar Land Rover“ за продажба Енди Гос ќе стане најпродаван автомобил на компанијата. „Е-Pace“ е и доста подостапен од „F-Pace“, со почетна цена на британскиот пазар од околу 28.000 фунти (31.000 евра).
„Е-Pace“ е првиот „Jaguar“ произведени надвор од Велика Британија – во фабриката на „Magna Steyr“ во Грац, Австрија. Тој е и првиот модел на компанијата, понуден и само со преден погон, од „X-Type“ наваму.
И покрај релативно компактните димензии новиот кросовер нуди сосема доволен внатрешен простор и 577-литарски багажник.
Внатрешноста вклучува 12,3-инчен екран на допир за управување со мултимедијалните системи, вграден „4G“ хотспот за интерент, како и до пет „USB“ влезови.
Платформата на „E-Pace“ е иста како на „Range Rover Evoque“ и „Land Rover Discovery Sport“, но меѓуоскиното растојание е зголемено со неколку сантиметри.
Под капакот „Jaguar“ ја нуди целата серија на агрегати со 4 цилиндри „Ingenium“ – бензински со моќност од 240 и 300 коњски сили, и дизел со 150, 180 и 240 коња. Алтернатива за рачните брзини е 9-степениот автоматски менувач од „ZF“.