Првата половина од 2017 веќе помина, а Galaxy S8, неговиот поголем брат Galaxy S8+, LG G6, HTC U11 и OnePlus 5 беа најпопуларните уреди претставени во него. Но, време е да се фокусираме на иднината и најинтересните уреди кои не очекуваат во неа:
LG V30
Покрај LG V10 и V20, V серијата на LG ќе порасне за уште еден член, LG V30. Веќе слушнавме неколку интересни спецификации за уредот, како секундарниот дисплеј, 5.7 инчен екран, стаклен дизајн и Shapdragon 835 во внатрешноста. Најверојатно ќе биде првиот телефон на LG со OLED панел, а неговото најавување е закажано за 31 август.
Nokia 9
Со сите бенефеции кои доаѓаат со Nokia името, HMD Global ја има ретката шанса да припреми добитна формула во својот нов уред, кој ќе биде конкуренција на некои од најпопуларните телефони. Очекуваме одлични перформанси, елегантен дизајн, како и прифатлива цена. Сеуште не знаеме кога ќе биде неговото претставување, но го очекуваме во следните неколку месеци.
Google Pixel 2 / Pixel XL 2
Минатата година, Pixel и Pixel XL беа новата конкуренција за Android телефоните, со еден мал недостаток, што само мала група на луѓе успеа да ги има. Оваа година, се надеваме дека компанијата ќе учи од своите грешки и ќе го зголеми производството на новите смартфони во серијата. Од спецификациите очекуваме: Snapdragon 835, многу RAM и одлична камера.
Samsung Galaxy Note 8
Сите знаеме што се случи со Note серијата минатата година. Како што се зборува, Samsung припрема одличен смартфон, со кој, надежно ќе се оправда за Note 7 фијаското и ќе ја врати довербата кај своите фанови.
Apple iPhone 8 / iPhone 7s / iPhone 7s Plus
Не може да зборуваме за најочекуваните телефони за оваа година, без да го спомнеме буквално најочекуваниот смартфон, iPhone 8, како и новите iPhone 7s и 7s Plus модели. За уредите се вртат голем број возбудливи спецификации, како што е безжично полнење, водоотпорност, скенер за отпечатоци вметнат во дисплејот, 3D face-detecting предна камера и елегантен дизајн. Како што е традиција со сите Apple телефони, најавувањето на уредите го очекуваме во септември.
