Компанијата „Maserati“ развива втор сериски кросовер, кој ќе се продава заедно со моделот „Levante“. Ова го објави пред изданието „Auto Motor und Sport“ шефот на италијанскиот производител Рид Бигленд.
Појавата на нов теренец во палетата на брендот се должи на успесите на „Levante“ на пазарот. Лани Италијанците продале над 14.000 кросовери, а оваа година се очекува бројката да достигне 25.000. Според Бигленд, половина од продажбата на „Maserati“ се должат токму на „Levante“.
Шефот на компанијата не ја исклучува можноста за зголемување на модификациите на „Levante“. Најверојатно ќе се појави верзија со V8 мотор, како и опција опремена со хибриден агрегат, кој ќе биде позајмен од „Chrysler Pacifica“.
Во плановите на „Maserati“ влегува и пуштање на сериска верзија на моделот „Alfiery“ која ќе се појави во 2020-та или 2021-ва година. Од зборовите на Бигленд станува јасно дека тоа ќе биде вистински спортски автомобил.
