Организаторите на годишниот конкурс „Светски мотор на годината“ ги објавија резултатите од гласањето за 2017-та. Жирито од 58 новинари од целиот свет ги определија победниците во 12-те категории. Голем дел од нив и претходно ја освоиле наградата.
За број 1 во светот во вкупниот пласман е прогласен битурбомоторот „Ferrrai F154 V8“ со зафатнина од 3,9 литри. Агрегатот со моќност 670 КС е наградуван веќе втора година по ред.
Овој пат организаторите додале и уште две нови категории – „најдобар нов мотор на годината“ и „најдобар електричен мотор на годината“.
Интересно е дека меѓу победниците нема ниту еден дизел агрегат. Единствено 2,0-литарскиот дизел „Mercedes OM 654“ успеа да влезе во тројката во категоријата на „новите мотори“.
Победниците на конкурсот за 2017-та година:
„Мотор на годината“: Ferrari V8 3.9 Biturbo *
(Второ место е за 3,0-литарски боксер на „Porsche“, а третото за 1,5-литарскиот мотор на „BMW“).
„Најдобар нов мотор“: Honda V6 3.5 Biturbo Hybrid
(Во Топ 3 влегуваат и 2,0-литарскиот дизел на „Mercedes-Benz“ и 2,9-литарскиот V6 на „Alfa Romeo Giulia“).
„Најдобар спортски мотор“: Ferrari V8 3.9 Biturbo *
(Втор е 4,0-литарскиот боксер на „Porsche“, а трети е 4,0-литарскиот V8 битурбо на „Mercedes-AMG“).
„Најдобар електричен мотор“: Tesla Model S / Model X
(Следат „BMW i3“ и моторот на „General Motors“, поставен на „Chevrolet Bolt“)
„Најдобар еколошки мотор“: Tesla Model S / Model X *
(Второ место за 1,5-литарскиот бензински мотор од хибридниот „BMW i8“ и трето за електромоторот на „Chevrolet Bolt“).
„Најдобар мотор со зафатнина до 1,0 литар“: Ford EcoBoost 1.0 Turbo *
(Во првите 3 место има и за 1,0-литарскиот бензински мотор на „Volkswagen“ и 2-цилиндричниот мотор на „BMW i3“).
„Најдобар мотор со зафатнина од 1,0 до 1,4 литри“: Peugeot-Citroen 1.2 Turbo *
(Следат 1,2-литарскиот мотор со 3 цилиндри на „BMW“, поставен на „MINI“, и 1,4-литарскиот TFSI на „Volkswagen“).
„Најдобар мотор со зафатнина од 1,4 до 1,8 литри“: BMW 1.5 Turbo Hybrid *
(Второто место е за 1,5-литарскиот турбомотор на „BMW“, поставен на „Series 1“, и 1.8-литарскиот TFSI на „Audi“).
„Најдобар мотор со зафатнина од 1,8 до 2,0 литри“: Porsche 2.0 Turbo
(Втор е 2,0-литарскиот тубомотор на „Mercedes-AMG“, а трети е 2.0-литарскиот TFSI на „Audi“).
„Најдобар мотор со зафатнина од 2,0 до 2,5 литри“: Audi 2.5 TFSI *
(Следат 2,5-литарскиот мотор „Porsche“ и 2,3-литарскиот EcoBoost на „Ford“, поставен на „Focus RS“ и на „Mustang“).
„Најдобар мотор со зафатнина од 2,5 до 3,0 литри“: Porsche 3.0 Biturbo *
(Во тројката влегуваат 6-цилиндричниот турбомотор на „BMW“ (M3, M4) и 2,9-литарскиот битурбо V6 на „Fiat Chrysler“ („Alfa Romeo Giulia Quadrifoglio“).
„Најдобар мотор со зафатнина од 3,0 до 4,00 литри“: Ferrari V8 3.9 Biturbo *
(Втор е 4,0-литарскиот битурбо V8 на „Mercedes-AMG“, а трети е 4,0-литарскиот мотор на „Porschе“).
„Најдобар мотор со зафатнина над 4,0 литри“: Ferrari V12 6.3 *
(Во првите 3 влегуваат 5,2-литарскиот V10 на „Audi“ и 6,5-литарскиот V12 на „Lamborghini“).
Забелешка: Со ѕвездичка се означени победниците на конкурсот од 2016-та година.
