По спојувањето на „AOL“ и „Yahoo“ во новата компанија „Oath“ се очекуваат кратења на работните места – веројатно околу 1.000. Тоа е помалку од 20% од вкупните работни места во компанијата, појаснуваат извори пред „ReCode“.
Тоа не е неочекувано, бидејќи и двете компании имаат многу дупликат позиции, вклучувајќи во областа на човечки ресурси, финансии, маркетинг и заедничката администрација.
Спојувањето меѓу двете компании се очекува да биде завршено во текот на следната недела. Средбата на акционерите за одобрување на трансакцијата ќе се одржи наскоро.
Плановите за спојување на двете компании се развиваат веќе некое време. Тие се обидуваат да изградат една единица од две структури, кои имаат повеќе средства и бројни проблеми.
Друштвото ќе биде предводено од главниот извршен директор на „AOL“, Тим Армстронг, кој ќе стане извршен директор на „Oath“, новото име на подружницата на „Verizon“.
Намалениот до 4,8 милијарди долари договор заврши во мај. Тој се забави поради проблемите со хакерските напади и финансиската и правната сложеност.
