Германскиот производител „Mercedes-Benz“ најави отповикување на својот модел „Citan“, поради тоа што компанијата мора да ги замени страничните воздушни перничиња. Ова возило доби само три ѕвезди на последните „EuroNCAP“ тестирања и тоа многу влијае на продажбата.
Вкупно 3500 возила се предмет на овој отповик и тој ќе биде вратен кај дилерите и кои треба да го средат овој проблем. Од компанијата наведуваат дека се потполно незадоволни од резултатите од краш-тестот и дека дополнително ќе работат овој резултат да се подобри.
„Mercedes-Benz Citan“ е базиран на моделот на „Renault“ – „Kangoo“, но тестирањата од страна на „EuroNCAP“ во месец април и добиените три ѕвезди од можни пет се разочарувачки резултат за германскиот гигант.
