Концернот „BMW Group“ го искористи овогодинешното издание на натпреварот за дизајн – „Concorso d’Eleganza Villa d’Este“, за да открие на нов модел – „BMW Series 8 Concept“.
Прототипот ќе биде во основа на серискиот автомобил кој треба да се појави на пазарот во 2018-та година и е дел од најголемата моделна офанзива во историјата на брендот. Со негова помош баварците треба да ја исполнат целта која сами си ја наметнаа – враќање на лидерската позиција во премиум-сегментот.
„Кај „BMW“ правото „8“ е секогаш означување на врвот на спортскиот дух и ексклузивност – коментира Халард Кругер, претседател на бордот на директори на „BMW AG“. „Идниот „BMW Series 8 Coupe“ ќе докаже дека високодинамичното однесување на патот и модерниот луксуз можат да одат рака под рака. Ова е следниот модел при распоредувањето на нашите предлози во луксузниот сегмент и ќе постави нови стандарди кај купе возилата. Со него ќе ја потврдиме лидерската позиција во луксузниот сегмент“.
Автомобилот го има дизајнерскиот стил на последните модели на „BMW“, но во исто време покажува и нови идеи во оваа компонента. Специјално за него е создадена нова боја – „Barcelona Grey Liquid“ која претставува комбинација од сина и сива, и се комбинира со ексклузивни 21-инчни бандажи.
Комбинацијата меѓу динамика и луксуз се гледа и во ентериерот, кој сепак е фокусиран на најважното – возењето. Во кабината се користат скапи кожи, како што се елементи од карбон и алуминиум. Особено импресионираат преносот, како и „iDrive“-контролерот од стакло „Swarovski“.
Во основата на идното „BMW Series 8“ е платформата на баварците – „CLAR“. Таа е користена за последните генерации на „Series 5“ и „Series 7“. Токму од овие два модели новото купе ќе ги добие и безбедносните агрегати. Тие ќе претставуваат широк спектар, барем тоа станува јасно од патентираните од „BMW“ трговски марки за моделот – „825“, „830“, „835“, „850“, „845“, „860“, „M8“ и „M850“.
