Раст на нето добивката на Сбербанк

Руската банка Сбербанк соопшти во среда за скок на нето добивката во првото тромесечје, со повисоки каматни приходи и значително помали резервации за загуби по кредитите на годишно ниво, но и поголем удел на реструктуирани кредити во однос на претходното тромесечје.

Банката според меѓународните сметководствени стандарди го заклучи првото овогодишно тромесечје со нето добивка од 166,6 милијарди рубљи, што е 42 отсто повеќе од истиот период лани.