Втора година по ред Швајцарија се наоѓа на прво место на листата на најскапи градови за состаноци, според податоците на овогодинешниот извештај „Mapping the World’s Prices“ на „Deutsche Bank“.
Една вечер надвор, за која истражувањето предвидува трошоци за такси, вечера за двајца, безалкохолни пијалаци, два билети за кино и неколку пива, чини 195,90 долари или со 147% повеќе отколку во Њујорк, кој зазема седмото место.
По повод овие резултати германската банка ги советува жителите на Цирих да избираат со кого излегуваат на средба многу внимателно и да склучуваат брак порано, ако сакаат да заштедат пари.
Целта на истражувањето е да даде појасна идеја дали девизните курсеви всушност се коригираат за да отстранат големите разлики во цените во одделните држави, како што претпоставува традиционалната економска теорија.
Местото на Швајцарија на врвот сепак би требало да даде џокер на инвеститорите и барателите партнери дека работите ретко се толку едноставни како што изгледаат. Поради силната валута на државата локалните цени изгледаат прилично високи во однос на нејзините европски соседи.
Париз, каде средбите не се одразуваат неразумно многу на паричникот, се рангираше на 17-то место од 47, а најприфатливите места за состаноци се Куала Лумпур, Џакарта и Манила.
По критериумот кој ги мери лошите навики како пушењето на цигари и пиењето пива Осло во Норвешка се рангираше на „чопорот“, проследен од Мелбурн. Окленд, Нов Зеланд, од своја страна, се рангираше на третото место со ниво на цените од 104% во споредба со цените во Њујорк.
На другиот крај на спектарот исполнувањето на овие навики е најевтино во Чешка и во Јужна Африка, коментираат од „Deutsche Bank“, а тие чинат само 23% од нивната вредност во Њујорк.
