Компанијата Hyundai Motor соопшти дека во првиот квартал забележала пад на добивката за повеќе од 20 отсто.
Антикорејското расположение во Кина, поттикнато од распоредувањето на американски систем за противракетна одбрана, ја забави продажбата на автомобили на корејските производители на најголемиот авто пазар.
Компанијата наведе дека нето добивката од јануари до март 2017 година изнесувала 1,3 илјади милијарди вони(1,2 милијарди долари), што е за 21 отсто помалку од 1,7 илјади милијарди вони остварени истиот период лани, јави агенцијата AP.
