Возниот парк на полицијата во Дубаи е побогат за уште три скапоцени автомобили меѓу кои се најде и „Aston Martin One-77“ чија цена изнесува 1.45 милиони евра.
Флотата на патролни автомобили на полицијата во Дубаи потсетува на колекција на суперавтомобили на некој шеик. Во карактеристичните зелено-бели линии претходно беа офарбани „Lamborghini Aventador“, „Ferrari FF“, „Chevrolet Camaro“ и „BMW 5“, а сега им се придружија „Mercedes SLS AMG“, „Bentley Continental GT Coupe“ и убедливо најскапиот од сите „Aston Martin One-77“.
Трите најнови модели ќе бидат претставени во јановста во изложбениот простор „Arabian Travel Market“ во Дубаи од 6-ти до 9-ти мај.
Полицијата во Дубаи соопшти дека купувањето на овие скапоцени автомобили е дел од стратегијата за развој на туризмот и дека присуството на овие автомобили на улиците ќе претставуваат уште една од многуте туристички атракции во овој град.
„Со оглед дека Дубаи е престолнина на луксуз и префинетост во секој поглед, неопходно е и полициските сили да држат чекор со тоа“, објаснува заменикот на шефот на полицијата, Камиш Матар Мазинах.
Што се однесува до најскапиот модел во полицискиот возен парк, станува збор за автомобил кој е направен во ограничена серија од 77 примероци. „Aston Martin One-77“ го придивижува 7.3 литарски V12 мотор со 760 ks сместен во предниот дел од возилото, додека снагата се пренесува на задните тркала. За забрзување од 0-100 km/h потребно му е 3.5 секунди, а според фабричките податоци максималната брзина изнесува 322 km/h.
Кога станува збор за „Ferrari FF“ интересно е да се спомене дека овој автомобил го користи патролниот тим кој го сочинуваат две полицајки.