Милијардерот Елон Маск се обложи дека може да го реши проблемот со престојната енергетска криза на Австралија во 100 дена, со распоредување на технологијата на Тесла за да го дополни јазот на снабдување на електрична енергија предизвикан од исклучување на струјата.
Во еден разговор на Твитер со австралискиот милијардер Мајк Канон-Брукс, Маск изјави дека може да ги распореди своите “Powerwall” и “Powerpack” системи за снабдување на 100 мегават часови електрична енергија.
“Тесла ќе инсталира систем кој ќе работи 100 дена од потпишување на договорот, а доколку не, се ќе биде бесплатно”, напиша Маск на Твитер во петокот.
Канон-Брукс му одговори на Маск дека е “во игра”, и побара понуда за трошоците за инсталирање на 100-мегавати систем.
Подоцна, Маск му одговори дека Тесла може да го снабдува системот по цена од 250 долари за киловат-час, односно 25 милиони долари за 100 мегават часови.
Јужна Австралија во септември доживеа затемнување, по силното невреме кое предизвика прекин во снабдувањето на електрична енергија.
Австралискиот премиер Малколм Турнбул за прекинот на електричната енергија ја обвини државата поради брзото воведување на обновливи извори на енергија. Снабдувањето со соларна и ветерна енергија опфаќа околу 40 отсто од вкупното производство на електрична енергија.
Премиерот на Јужна Австралија, Џеј Ведерхил ги негираше обвинувањата за затемнувањето дека се поврзани со потпирање на државата на обновливите извори на енергија, објаснувајки дека е природна непогода. Ведерхил во еден пост на Твитер напиша дека ќе го разгледаат предлогот на Тесла.
