Компанијата „Mitsubishi Motors“ официјално го врати името „Eclipse“ меѓу моделите, па така ќе се вика новиот кросовер, кој ќе се распореди под „Outlander“ во палетата на брендот. Автомобилот го добил додатокот „Cross“ кон името, а неговата официјална премиера ќе се одржи за време на автосаемот во Женева.
Дизајнот на новиот „Eclipse Cross“ е целосно во стилот на концептуалниот модел „XR-PHEV II“, претставен во 2015-та година. Од прототипот сериската варијанта се разликува по недостатокот на некои дополнителни елементи на каросеријата, поедноставената оптика и присуството на традиционалните рачки на вратите. Во кабината работите се исто така малку поедноставени.
Самиот кросовер е изграден на платформата, која се користи и за „Outlander“. Автомобилот има систем за погон на четири тркала „S-AWC“. Има и систем за распределба на силата и сопирање меѓу задните тркала „Active Yaw Control“ (AYC).
Во палетата на мотори е вклучен 1,5-литарски бензински мотор со турбо. За него засега податоци не се објавени, но се знае дека ќе работи во комбинација во вариаторна трансимисија, која ќе имитираат 8-степен автомат. Алтернативна варијанта е со 2,2-литарски дизел, комбиниран со стандарден 8-брзински автоматски менувач.
Испораките кон европските дилери на „Mitsubishi“ стартуваат наесен. Потоа кросоверот ќе почне да се продава во Јапонија, Северна Америка, Австралија и други земји.
