Покрај претставувањето на бројните нови модели на паметни телефони и таблети на „Mobile World Congress“, секоја година организацијата „GSMA“ ја доделува нагрaдата за најдобри уреди, сервиси, апликации и слично.
Во густата конкуренција која ја сочинуваат „Apple iPhone 7 Plus“, „Samsung Galaxy S7 Edge“, првиот „вистински“ телефон на „Google“, моделот „Pixel XL“, „Huawei P9“ и „Moto Z“ зa „најдобар“ смартфон го избраа „Samsung Galaxy S7 Edge“.
По проблемите со „Note 7“, oваа награда им дава ветер во грб за новите модели од серијата „Galaxy S“ и наследникот во видот на „Galaxy S7“ и „S7 Edge“.
Ова не се првите пофалници и награди за моделите „Samsung Galaxy S7“. Во март минатата година „Consumer Reports“ го прогласи „Galaxy S7“, не само за досега најдобриот телефон на „Samsung“, туку и најдобриот телефон воопшто, додека моделот „Galaxy S7 Edge“ е прогласен за вториот најдобар телефон во светот. Од „Consumer Reports“ тогаш како најголеми предности на овие телефони го истакнуваа одличниот екран, брз процесор, моќна батерија и квалитетна камера со која ќе можат да се снимаат фантастични фотографии.
„Galaxy S7 Edge“ има 5,5 инчен екран заоблен на рабовите со 1440×2560 пиксели, има „Snapdragon 820“ процесор, 4GB RAM, 32, 64, oдносно 128GB мороија која може да се прошири со „microSD“ мемориска картички, 12MP задна камера и предна од 5MP.
