Европската унија (ЕУ) и други трговски партнери на САД подготвуваат тужба пред Светската трговска организација (WTO) во случај Вашингтон да воведе данок на увоз, пишува „Financial Times“. Според медиумот Европејците веќе работат на соодветното правно дејство. Тоа би било најголемиот случај во историјата на „WTO“, додава весникот.
Во моментов републиканците во Конгресот се обидуваат да го убедат претседателот Доналд Трамп да ги поддржи т.н. гранично-даночни корекции (border tax adjustment). Предлогот за реформа предвидува за увоз да се плаќаат даноци, додека извозот да е ослободен од давачки. Тоа би го поскапело целиот увоз во САД, но би ги поддржало локалните извозници. Според даночни експерти слична реформа би претставувала најголемата промена во глобалниот даночен систем од речиси еден век.
Членови на „WTO“ и трговски експерти предупредуваат САД да не го преземе тој чекор. Ако највлијателениот член на организацијата се ориентира под управувањето на Трамп кон протекционизмот, тоа би значело огромен предизвик за светскиот трговски систем, сметаат тие.
Еврокомесарот со ресор конкурентност Јурки Катаинен појаснува за „Financial Times“ дека Европа сака да избегне „трговска војна“ со САД, бидејќи таа би била „остра“ за светската економија. Сепак Катаинен потенцира да се разбере дека Брисел е подготвен да преземе одмазднички чекори ако Вашингтон воведе даночни мерки или други трговски бариери.
„Ако некој е против нашите интереси или го крши меѓународното трговско право, ние си имаме свои инструменти за реакција“, вели Катаинен.
Трамп веќе неколкупати им се закани на странските компании со кривични царини, потсетува весникот.
Во случај САД да го загубат евентуален судски процес во „WTO“, тоа би можело да значи кривични казни од 385 милијарди долари годишно, смета Чад Браун, експерт за трговските спорови во „WTO“ во експертската група „Peterson Institute for International Economics“. Тоа би го направило процесот речиси сто пати поголем од сегашниот најголем процес во рамките на организацијата.
Во минатото Трамп неколкупати се закани дека би го игнорирал мислењето на организацијата и дури го стави под прашање членството на САД во неа. Ваквиот потег би можел да доведе до колапс на меѓународниот систем, кој е наменет да спречува трговските војни.
Дури и меѓу американските компании една слична корекција на данокот е контроверзна: компании кои се зависни од увозот, и големи извозници се соочуваат со голем предизвик.
Даночниот предлог кој е поддржан од претседателот на Претставничкиот дом на САД Пол Рајан, се смета во оригинална форма за противоречните правилата на „WTO“. Трамп се уште не ја поддржал идејата, но некои од неговите советници се, вклучувајќи го шефот на Националната комисија за трговијата кон претседателот.
Во моментов предлогот за реформа е се уште во својот повој, бидејќи пред неговото усвојување има сериозни политички пречки. Меѓу другото според политичарите во САД почитувањето на правилата на „WTO“ е „црвена линија“. Кевин Брејди, претседател на комисијата за даночните закони во Претставничкиот дом, изјави „Financial Times“ дека секоја реформа треба да биде така проектирана дека е „компатибилна со правилата на СТО“.
Трговските експерти сметаат дека, сепак, тоа че биде тешко, бидејќи дури првиот предлог крши два од главните принципи на „WTO“ – на членовите на организацијата им е забрането да го дискриминираат увозот или да го субвенционираат извозот.
