Трошоците на федералната влада на Германија за бегалци достигнаа до 21,7 милијарди евра во 2016 година, соопшти европското издание „Politico“, цитирајќи ги податоци на Министерството за финансии.
Најголем дел од средствата – 9,3 милијарди евра се распределени од локалните власти.
Трошоците за интеграција на бегалците во текот на минатата година изнесуваа 2,1 милијарди евра.
Според податоците на владата во 2016-та година во Германија азил побарале 280.000 лица, што е значително помалку од 890.000 бегалци, кои влегле во земјата во претходната година.
Плановите на Берлин се во 2017-та година да потроши 21,3 милијарди евра за справување со миграцискиот проблем.