Според најновите информации, „Sony“ на годишнешниот саем „MWC“ ќе претстави дури пет нови „Xperia“ уреди. Зaсега за новите смартфони нема премногу информации, само нивните кодни имиња, „SoC“ и можната количина на „RAM“-от, како и големината на екраните и екраните.
Изворот на овие информации наведува дека „Sony“ овие денови ќе ги претстави мобилните – „Yoshino“, „BlancBright“, „Keyaki“, „Hinoki“ и „Mineo“. Врв во понудата ќе биде моделот кој се нарекува „Yoshino“ кој ќе има 5,5 инчен екран со 4K резолуција (3.840 x 2.160 пиксели) и „Snapdragon 835“.
Понатаму, изворот наведува дека „Yoshino“ ќе има 4 GB или 6 GB RAM, како и новиот сензор на „Sony“ – „IMX400“. Истиот тој би требало да го има и 5,5 инчниот „Xperia BlancBright“ кој ќе треба да се задоволи со помала „QHD“ резолуција (2.560 x 1.440 пиксели), како и помала количина на „RAM“ – 4 GB. Кога станува збор за процесорот се наведува дека „BlancBright“ ќе ги користи „Snapdragon 835“ или „Snapdragon 653“.
Во средината на понудата ќе се најде моделот со кодно име „Keyaki“ кој ќе има 5,2 инчен екран и „FHD“ резолуција (1.920 x 1.080 пискели), процесорот „MediaTek Helio P20“ и 64 GB интерна меморија. Кога станува збор за камерата, „Keyaki“ би требало на задната страна да се наоѓа камера со 23 MP, a на предната со резолуција од 16 MP.
Во долниот дел од понудата на „Sony“ ќе биде моделот „Hinoki“, кој би требало да има 5 инчен екран со „HD“ резолуција (1.280 x 720 пиксели), „MediaTek Helio P20“ процесор, 3 GB RAM и 32 GB интерна меморија. Кога станува збор за камерите, тие ќе бидат со послаб квалитет, па онаа на задната страна ќе биде со 16 MP, a предната од 8 MP.
