Според најновото истражување кое е спроведено на преку 46.000 сопственици на автомобили во Велика Британија најзадоволни од своето возило биле купувачите на „Skoda Yeti“. Чешкиот производител на листата Топ 10 автомобили кои се најдобро оценети од страна на своите сопственици има уште две возила, лимузината „Superb“ и „Octavia“.
На традиционалното истражување кое секоја година го организира „Auto Express“, сопствениците на возила ги оценуваат автомобилите врз основа сигурност, трошоци за одржување, удобност, перформанси и употребливост. Секој од оценетите модели може да добие максимално 100 бодови.
Годинешното истражување покажа дека најдобро оценет автомобил за 2013-та година во Велика Британија е „Skoda Yeti“ со освоени 92.65 проценти. На второто место се пласираше уште еден модел на чешкиот производител, а тоа е лимузината „Superb“ која постигна резултат од 92.13 проценти. Со скоро 89.90 проценти „Jaguar XF“ се најде на третата позиција.
Кога станува збор за „Skoda Yeti“ соптвениците на овој модел посебно се пофалија со неогвата практичност, технологија и лесното управување при возењето.
Топ 10 автомобили во Британија:
1. Skoda Yeti (92.65%)
2. Skoda Superb (92.13%)
3. Jaguar XF (89.90%)
4. Renault Scenic (89.82%)
5. Mazda CX-5 (89.63%)
6. Skoda Octavia (89.20%)
7. Alfa Romeo Giulietta (89.10%)
8. Land Rover Discovery (88.92%)
9. BMW Serija 3 (88.74%)
10. Mercedes E klasa (88.61%)
