Матичната компанија на „Google“, „Alphabet“, потврдила дека се определила за балони наместо за беспилотни летала за нудење на интернет услуги од небо.
Од „Alphabet“, во чија сопственост не е само „Google“, туку и компанијата „Google X“ која е фокусирана на креирање нови технологии кои го менуваат светот, рекоа за „AFP“ дека се откажуваат од својот дрон-интернет проект, кој се нарекува „Titan“ и кој започна пред речиси една година.
Вработените на овој проект се преместени на други работни позиции во „Google X“, вклучувајќи го и проектот „Lun“ кој е насочен кон создавање мрежа на балони на големи висини кои ќе нудат интернет услуги за луѓето без оглед на тоа колку се оддалечени.
Економичната и техничката изводливост на проектите со балони се сметаат за поефикасен начин за поврзување на руралните и оддалечените делови на светот со интернет, оценуваат од „Google X“.
Водечката друштвена мрежа „Facebook“ и натаму го развива „Aquila“ дронот за пренос на сигнал за интернет врска од небо.