„ASUS“ се подготвува да пушти на пазарот паметен телефон со технологијата „Google Tango“. Оваа информација се појави на интернет пред некое време.
На саемот во Лас Вегас – CES 2017, компанијата официјално го претстави моделот „ZenFone AR“, кој е прв во историјата, опремен со 8 GB RAM меморија.
„ZenFone AR“ има процесор „Snapdragon 821“ и одржува истовремено две технологии – „Google Tango“ и платформата за виртуелна реалност „Daydream“.
„Tango“ вклучува збир од сенсори и софтвер, овозможувајќи да се поврзува со дополнета реалност, вклучувајќи игри, апликации и навигација во просторија.
На овој начин сопствениците на смартфонот на „ASUS“ ќе можат истовремено да користат можности за дополнета и виртуелната реалност.
Сите дополнителни сензори и камери потребни за реализација на технологијата „Tango“, се наоѓаат на компактна површина, па „ZenFone AR“ изглед практично и не се разликува од обичните смартфони.
Новиот уред добива уште 5.7-инчен дисплеј со резолуција 2560х1440 пиксели, флеш-меморија со волумен 32/64/128 или 256 GB, слот за мемориска картичка „MicroSD“ и батерија со капацитет од 3300 mAh со поддршка за брзо полнење „Quick Charge 3.0“.
Со 8 GB RAM меморија е опремена врвната модификација. Кај основната верзија корисникот добива 6 GB.
„ZenFone AR“ поддржува две „SIM“ картички, „Wi-Fi 802.11ac“, „Bluetooth 4.2“ и „NFC“, „GPS“. Има и „USB“ порта „C“.
Димензиите на смартфонот се: 158.67х77.7х4.6 ~ 8.95 при тежина од 170 грама. Работи со оперативен систем „Android 7.0 Nougat“ и интерфејсот на компанијата „Zen UI 3.0“.
„ASUS ZenFone AR“ ќе биде достапен на пазарот во вториот квартал од годината. Засега неговата цена останува непозната.
