Заедничката компанија меѓу „Hon Hai Precision Industry Co“, позната како „Foxconn“, и „Sharp Corp“ планира да изгради фабрика за 61 милијарди јуани (8,8 милијарди долари) во Кина за производство на екрани со течни кристали (LCD), соопштува „Ројтерс“.
Фабриката на „Sakai Display Products“ ќе се специјализира во големи „LCD“ екрани и ќе започне со работа до 2019-та година, изјави компанијата на настан по потпишување на договор со локалните власти во Гуангжу во петокот. Фабриката ќе има капацитет, што е еднакво на 92 милијарди јуани годишно.
Сериозната инвестиција има за цел да го зголеми производството за да ја задоволи очекуваното повисока побарувачка на телевизори и монитори со голем екран во Азија.
Глобалното производство на „LCD“ екрани беше одушевено оваа година од затворањето на фабриката на „Samsung“ која формира 3% од пазарот, како и од прекинот на производството во Тајван поради земјотресот во март.
Најголемиот производител на „LCD“ панели во Кина – „BOE Technology Group“, започна со изградба на сопствен погон во Хефест во декември минатата година, а се планира производството да започне во 2018-та година.
Плановите на „Sakai Display Products“ за фабриката во Гуангжу се случуваат додека „Hon Hai“ се обидува да стане заедничкото претпријатие во подружница, инвестирајќи вкупно 15,1 милијарди јуани во компанијата.
Друштвото ќе продаде и 436.000 акции за 17,1 милијарди јуани на инвестициска компанија, чиј косопственик е претседателот на „Hon Hai“, Тери Гоу. Ова ќе им даде на „Foxconn“ 53-процентно учество во бизнисот и ќе го намали уделот на „Sharp“ од 40% на 26%.
