Една од најуспешните компании во Македонија, Алкалоид АД Скопје го претстави Бизнис планот за наредната година.
Алкалоид АД Скопје ќе продолжи да инвестира во развојот на компанијата, во производствените капацитети и современите технологии, во човечките ресурси и во заедницата воопшто.
Бизнис планот за 2017 година предвидува инвестирање на околу 10% од консолидираните продажби во материјални и нематеријални средства од сопствени извори, раст од најмалку 7% на консолидираните продажби во однос на очекуваните за 2016 година како и раст од најмалку 8% на консолидираниот профит пред оданочување во однос на очекуваниот за 2016 година.
Сегментарно по Профитни центри, 83% од консолидираните продажби се очекува да ги реализира ПЦ Фармација, а 17% ПЦ Хемија Козметика Билкарство.
Се очекува 39% од консолидираните продажби да бидат остварени на домашен пазар додека 61% од извоз.
• Прв приоритет и понатаму останува регионот;
• Втор приоритет се земјите од ЕУ, САД, Русија и земјите од ЗНД;
• Трет приоритет се останатите пазари.
Бизнис планот на Компанијата за 2017 година е донесен со одлука на Управниот Одбор на Алкалоид АД Скопје на седницата одржана на 26.12.2016 година.