Поради специфичните услови за возење, потрошувачката на гориво во зимскиот период може да биде значително поголема, отколку во другите периоди од годината.
Со цел да ја намалите потрошувачката е потребно да се придржувате до неколку едноставни совети. Покрај тоа што ќе влијаете за намалување на трошоците, некои од овие совети допринесуваат и за поголема безбедност во зимското возење:
– Правилно оддржување на моторот на возилото. Оваа постапка може да допринесе за значителна заштеда на гориво.
– Отстранете го снегот и мразот пред да започнете да возите. Со ова ја намалувате потрошувачката на енергија за уредите за одмрзнување и греење, аеродинамичкиот отпор на возилото и неговата тежина.
– Избегнувајте празен од на моторот за греење на автомобилот, затоа што тоа е загубена енергија.
– Немојте да го зголемувате бројот на вртежи на моторот по првите неколку километри додека да го загреете моторот и другите подвижни делови од вашиот автомобил, подобро стартувајте веднаш и забрзувајте постепено.
– Возете побавно. Со ваквиот режим на возење во зимскиот период, нема само да бидете побезбедни, туку и поштедливи.
– Отстранете ги дополнителниот багажник на покривот и носачите за скии и велосипеди, доколку не ви се потребни. Тие придонесуваат за зголемен отпор на воздухот, а со тоа и поголема потрошувачка на гориво.
– Проверете го притисокот на гумите. Непропишаниот притисок општо ги влошува перформансите на гумите и со тоа се намалува нивниот работен век, а покрај тоа влијаат и на зголемувњето на отпорот на движење и потрошувачката на гориво.