По повеќе од половина век, откако започна со масовното производство на возила, „Honda“ прослави голем јубилеј, од производната лента слезе 100-милионитиот автомобил со знакот на оваа марка.
Стартот на сериското производство на „Hondа“ започна во 1963-та година, кога беа направени мини-камионот „T360“, но и спортскиот автомобил „S500“.
Само една година подоцна, изградена е првата фабрика на „Hondа“ која ќе се занимава исклучиво со производство на автомобили, а набргу во тој погон ќе започне производството на легендарниот „S600“.
„Honda“ во меѓувреме прерасна во глобален автомобилски гигант со 34 фабрики кои се наоѓаат ширум светот, на дури пет континенти. Моментално брендот е фокусиран на своите „SUV“ модели „HR-V“ и „CR-V“, кои се глобално популарни, а во Европа акцентот е на поткомпактните и компактните модели „Jazz“ и „Civic“.
На еден од најзначајните пазари, во САД, понудата е значително поширока и уклучува и модели како што се „Ridgeline“, „Pilot“, „Accord“ и „Odyssey“.
Еден од најважните погони на „Hondа“ моментално е тој во Свиндон, во Велика Британија, каде се изработува и новиот „Civic“, кој оттаму се извезува на пазарите ширум светот.
