Американскиот технолошки концерн „Apple“ работи на три нови „iPhone“ модели за 2017-та година, покажуваат фотографии кои се појавија во медиумите. Повеќето на нови слики на внатрешни компоненти се појавија оваа недела во Кина. Изворот на информацијата доаѓа од синџирот на снабдување на компоненти во источна Азија, тврди „AppleInsider“.
Во случајот има кадри кои покажуваат дека „Apple“ работи на три „iPhone“ модели – веројатно еден „iPhone 7S“, еден „iPhone 7s Plus“ и трет непознат модел (можеби „iPhone 8“), кој се очекува да биде предводник на компанијата од Купертино.
Моделот „iPhone 7s“ ќе биде сличен на постоечките од серијата „iPhone 7“ – сосема лесни подобрувања, додека за „iPhone 8“ се очекува да има нов дизајн, нови можности и иновации.
Претходните гласини за „iPhone 8“ беа дека со него Концернот ќе се врати кон стаклениот дизајн на куќиштето, слично на оној кај „iPhone 4“, ќе има голем „OLED“ дисплеј, дури поголем од оној на „iPhone 7 Plus“, нема да го има т.н. „home“ копче и може да има безжично полнење. Според „AppleInsider“ новиот модел се нарекува од страна на инженерите во компанијата со кодирано име „Ferrari“.
Следната година ќе биде 10-годишнината од претставувањето на „iPhone“ и се претпоставува дека „Apple“ планира да го оствари основното ажурирање на својот предводник за да се задржи огромната профитна маргина. „iPhone“ се уште го генерира поголемиот дел од приходите на „Apple“ во секое едно тримесечје, но во 2016-та година компанијата за прв пат по 15 години го забележа својот прв годишен пад на приходите и профитот, делумно поради слабост во продажбата токму на смартфоните.
Компанијата во последните три години не направи драстична промена на дизајнот, па сосема е можно еден сосема нов „iPhone“ да успее да ги привлече назад клиентите кои може да размислуваат да преминат од „Apple“ кон смартфони со „Android“.
