Kia ги објави првите официјални цртежи од новата генерација на малиот градски модел „Picanto“.
Актуелниот модел кој дебитираше во 2011-та година, наскоро ќе добие свој наследник, а судејќи врз основата на дизајнерските цртежи, третата генерација има голем напреднок во однос на актуелниот „Picanto“.
Стилски, автомобилот е многу поатрактивен од претходникот. Променети се и пропорциите, па „Picanto“ изгледа за број поголем во споредба со моделот кој е во заминување.
Со новата маска, предниот браник и фаровите, потсетуваат на новиот „Rio“, кој беше претставен во септември. Верзијата која е прикажана на цртежите има проширени лакови на калниците, па со поагресивниот преден дел на автомобили дава спортска нота.
Значително е подобрена и внатрешноста во која доминира и централно претставениот дисплеј на мултимедијалниот систем. Иако треба да се нагласи дека цртежите е претставен автомобилот со најбогатиот пакет на опрема и автоматски менувач, впечатокот е дека ентериерот е значитено полуксузен отколку кај актуелниот „Picantо“.
Се очекува новиот модел да има премиера на почетокот на 2017-та година, најверојатно на женевскиот авто-саем, а за погонот ќе биде задолжени 1.0 и 1.2 литарски мотори.
