Божиќ настапи порано за љубителите на „Snapchat“. Мобилната апликација најави нови функции, пишува веб-сајтот „We Are Social Media“.
Првата од нив е можноста за создавање на нови групни разговори, што им овозможува на корисниците „нов начин за комуникација со до 16 пријатели“. Групните разговори може да се формираат при испраќањето на „Snap“ или преку опцијата за создавање на нов разговор – што е исклучително едноставно.
Ако имате било какви грижи во врска со безбедноста, секој „Snap“ во групните разговори ќе бидат избришани по 24 часа по „дифолт“. Покрај тоа, секој од примателите ќе може да ја копира и пушта само по еднаш содржината која му е испратена. Секој „Snap“, кој не е отворен, исто така ќе биде избришан по 24 часа.
Корисниците ќе можат да гледаат кои од пријателите им се во групата, бидејќи нивните имиња ќе се испишуваат одоздола.
Покрај тоа „Snapchat“ додава уште две функции кон своите „Creative Tools“. Првата се нарекува „Scissors“ и може да се користи за правење на исечоци од даден „Snap“. Тогаш тие можат да се користат како налепница. Втората функција е „Paintbrush“, идејата е да се создадат преку цртање вистински ремек-дела.
