„Meizu“ го претстави својот нов буџетски смартфон „M5 Note“ кој доаѓа за да го замени популарниот „M3 Note“. Презентацијата на новиот модел се одржа на официјален настан во Пекинг.
Куќиштето на „Meizu M5 Note“ е металено, а дијагоналата на екранот е 5.5 инчи. Уредот добива уште „IPS“ дисплеј со резолуција од 1920 x 1080 пиксели, осумјадрен процесор „MediaTek Helio P10“ од 1.8 GHz, 3 и 4 GB RAM меморија и 16/32/64 GB внатрешна меморија.
Главната камера е 13-мегапикселна со хибриден автофокус (фазен и ласерски) и дијафрагма f / 2.2. Предната камера е 5 мегапикселна.
Скенерот на отпечатоци „mTouch 2.1“ е лоциран во копчето „Home“.
Смартфонот поддржува работа со 2 SIM картички, а едната можете да ја замените со картичка „microSD“. Капацитетот на батеријата е 4000 mAh и ја поддржува технологијата за брзо полнење.
Димензиите на „Meizu M5 Note“ се 153,6 × 75,8 × 8,1 мм и тежината е 175 грама.
На пазарот ќе се појават 3 модификации „M5 Note“: 3 GB RAM и 16 GB внатрешна меморија за 130 долари, 3 GB RAM и 32 GB внатрешна меморија за 160 долари, 4 GB RAM и 64 GB внатрешна меморија за 190 долари.
