Германскиот производител на автомобили „Porsche“ за заштитно лице во наредните три години ја одбра Марија Шарапова.
Познато е дека моделите на „Porsche“ воглавном се „машки“ играчки, но експертите се прашуваат дали германскиот бренд со „женствените“ модели ќе се обиде да го освои и понежниот дел од популацијата.
Според некои испитувања дури 88 проценти од купувачите на моделите на „Porsche 911“ се мажи.
„Марија е перфектен избор. Нејзиниот профил и харизма се идеални за нас“, изјави Матијас Милер.
Русинката моментално е на второто место на ВТА листата, а заработува дури 20 милиони долари годишно само од реклами. Покрај „Porsche“ таа е заштитно лице и на компаниите „Nike“, „Cole Haan“, „Evian“, „Tag Heuer“ и „Samsung“.
Сепак ова не е првпат Шарапова да рекламира автомобилски бренд, имено таа во 2006-та година беше заштитно лице на „Land Rover“, но оваа работа пропадна поради тоа што „Ford“ две години подоцна го продаде овој бренд.