„Deutsche Telekom“ ќе почне да продава производи кои имаат за цел да ги заштитат компаниите и властите од дроновите со кои се реализира шпионажа или вандализам. Германскиот телеком се насочува кон производи и услуги за безбедност во обид да открие нови извори на приходи, пишува „Bloomberg“.
Системите вклучуваат видео камери, скенери и микрофони, опремени со софтвер кој може да разликува дрон од птица или хеликоптер. Корисниците ќе имаат потреба од дозвола да додаваат електронски придушувачи кои можат да го попречат летот, тврди „Deutsche Telekom“ во своето соопштение.
Операторот со седиште во Бон создава поделба со околу 1.000 вработени, за да се развие и продава производи за сајбер безбедноста. Единицата е дел од обидот да се компензира падот на продажбата на традиционалниот бизнис.
Ова може да ја соочи компанијата пред директната конкуренција со традиционалните услуги за безбедност и против софтверски компании како „Symantec“, „IBM“ и „Cisco Systems“.
„Deutsche Telekom“ соработува со „Dedrone“ која има развиено производ за следење на беспилотни летала. Одлуката ќе влезе во продажба на 1-ви декември.
Иако на дроновите се радуваат многу обожаватели и се користат во различни индустрии – од филмската до земјоделството, тие се мали и релативно тивки, што ги прави подобро оружје во рацете на криминалците.
Претходно оваа година претседателот на САД Барак Обама ги повика светските лидери да размислуваат сценарио, поврзано со испратени дронови од терористи со кои разнесува радиоактивен материјал над населени области.
