Philip Morris International, најголемиот светски производител на цигари, би можел во блиска иднина да престане да продава цигари, откако на пазарот, во Велика Британија, лансираа нов алтернативен продукт за цигарите наречен IQOS.
Производот IQOS е цигара без чад, која веќе е во продажба на повеќе од десетина пазари, вклучувајќи ги Јапонија, Швајцарија и Италија.
Тутунот се загрева доволно за да се произведе пареа без тој целосно да изгори.
Компанија верува дека ова ќе прави помалку штета од цигарата.
Сепак ќе треба уште време како и поддршка од владите за овие алтернативни производи да почнат масовно да се употребуваат и постепено да се отстрануваат цигарите.
