Јапонскиот производител „Mazda“ за време на саемот во Лос Анџелес ја претстави втората генерација на кросоверот „CX-5“. Генерално на моделот е користен стилот на неговиот претходник, во чија основа е новиот бизнис дизајн на марката – концептот „KODO“.
Сепак промени во изгледот има и тие се главно во предниот дел. Зголемена е решетката на ладилникот, различни се и „LED“ диодите на предните светла. Генерално димензиите на моделот се задржани – должина од 4545 мм, ширина од 1840 мм, висина од 1690 мм и растојание помеѓу двете оски од 2700 мм. Благо покачен со 5 литри, е волуменот на багажникот, кој веќе достигнува 505 литри.
Во ентериерот на новата „Mazda CX-5“ се користат поквалитетни материјали, значително подобрена е и звучна изолација. Конзолата на централниот панел е поставена повисоко, истото важи и за рачката за менување на брзини. Кросоверот станува првиот модел на марката, кај што задните седишта се достапни во две можни варијанти на наклон на грбот.
Кросоверот ги задржува моторите од првата генерација. Тоа се бензински агрегати од семејството „SkyActiv-G“ со зафатнина 2,0 и 2,5 литри, а исто така и дизел „SkyActiv-D“ со зафатнина од 2,2 литри. Трансмисија има 6-степен рачен или автоматски, а за моделот е достапен и систем за погон на четири тркала „i-Active“.
Во листата на опрема на новата „Mazda CX-5“ може да биде вклучен пакет „i-ActiveSense“ (радарски крус-контрол, систем за препознавање на сообраќајните знаци), проекциски дисплеј, мултимедијален систем „MZD Connect“ со навигација, како и аудио „Bose“ со 10 звучници.
За возилото е предвиден и систем „G-Vectoring Control“ (GVC), кој ја управува влечата на моторот во зависност од положбата на воланот. Така таа го контролира оптоварувањето на возилото и ја оптимизира работата на секое едно од тркалата.